विवादबीच अमेरिकाले स्वीकार ग‍र्यो कतारको विमान उपहार

काठमाडौँ , ८ जेठ ।  कतारले अमेरिका सरकारलाई एक थान अत्याधुनिक बोइङ ७४७ विमान उपहार स्वरूप प्रदान गरेको छ। अमेरिकी रक्षा विभाग (पेन्टागन) का अनुसार यो वीआईपी वर्गको विमान हो, जुन उच्च अधिकारीहरूको भ्रमण, विशेष मिशन र कूटनीतिक प्रयोजनका लागि प्रयोग गरिनेछ।

विमान कतारी शाही परिवारबाट राष्ट्रपतिको हवाई सवारीका लागि दिइएको हो। यसको मूल्य करिब ४४०० मिलियन डलर (४.४ अर्ब) अनुमान गरिएको छ। विमानमा आणविक विस्फोटबाट उत्पन्न विद्युत चुम्बकीय पल्स सहन सक्ने क्षमता, उडानकै क्रममा इन्धन भर्ने सुविधा, र राष्ट्रपतिको सुरक्षाका लागि आवश्यक प्रणाली जडान गर्न थप वर्षौं लाग्ने अनुमान गरिएको छ।

ह्वाइट हाउसले यो विमान पूर्वराष्ट्रपति डोनाल्ड ट्रम्पको कार्यकालको अन्त्यमा राष्ट्रपतिको पुस्तकालयमार्फत हस्तान्तरण गरिने बताएको छ। तर विमानको उपहारप्रति आलोचना समेत भइरहेको छ, विशेषगरी ट्रम्प समर्थक र विरोधी पक्षबीच।

अमेरिकी संविधानको “इमोलुमेन्ट क्लज” अनुसार विदेशी सरकारबाट उपहार लिन कांग्रेसको स्वीकृति आवश्यक हुन्छ। यो उपहार हस्तान्तरणले उक्त स्वीकृति प्राप्त नगरेकाले कानुनी विवाद पनि चर्किएको छ। रक्षा विभागले भने सबै प्रक्रिया कानुनअनुसार भएको दाबी गरेको छ।