डा. निकोलस भुसाललाई आज अदालतमा पेस गरिने

काठमाडौँ , ५ माघ । पोखराको सूर्यदर्शन सहकारी प्रकरणका प्रतिवादी रास्वपाका सभापति रवि लामिछाने हिरासतमा सुतिरहेको तस्वीर खिचेको आरोपमा डा। निकोलस भुसाल पक्राउ परेका छन्। उनलाई पुस ७ गते पक्राउ परेर छुटेपछि पुनः साइबर अपराधको मुद्दामा बिहीबार समातिएको हो। कास्की प्रहरी प्रमुख एसपी श्याम ओलियाले उनलाई आज जिल्ला अदालतमा पेस गरिने जानकारी दिएका छन्।

पुस ८ गते म्याद थपका लागि अदालतमा उपस्थित गराउँदा न्यायाधीश नारायण दाहालको इजलासले हिरासतबाहिर अनुसन्धान गर्न आदेश दिएको थियो। त्यसपछि भुसाललाई पुनः पक्राउ गरिएको हो।

भुसालले रविको स्वास्थ्य अवस्था बुझ्न कास्की प्रहरी कार्यालयमा गएर सुतिरहेको फोटो खिचेर फेसबुकमा सार्वजनिक गरेपछि आलोचना भएको थियो। उनले फेसबुक लाइभमार्फत फोटो खिच्नको उद्देश्य खराब थिएन भन्दै स्पष्टिकरण दिएका थिए।