काजकिस्तान प्लेन दुर्घटना: ३८ जनाको मृत्यु, २९ जनाको जीवितै उद्धार

काठमाडौँ  , पुस ११ । ६७ यात्रु बोकेको अजरबैजानी विमान बुधबार कजाकिस्तानको अकताउ सहर नजिक दुर्घटनाग्रस्त हुँदा त्यसमा सवार कम्तीमा ३८ जनाको मृत्यु भएको कजाकिस्तानका अधिकारीहरूले जनाएका छन्।विस्तारै उद्धार कार्यमा दुई बालबालिकासहित २९ जनालाई भग्नावशेषबाट बाहिर निकालिएको छ। उपप्रधानमन्त्री कनाट बोजुम्बेभले ११ जनाको अवस्था गम्भीर रहेको बताए ।

बाकुबाट रुसको चेचन्यास्थित ग्रोज्नीतर्फ जाँदै गरेको ६७ जना सवार अजरबैजान एयरलाइन्सको विमान बुधबार दुर्घटना हुँदा ३८ जनाको मृत्यु भएको हो । दुई बच्चासहित २९ जनाको जीवितै उद्धार गरिएको छ । तीमध्ये ११ जनाको अवस्था गम्भीर रहेको काजकिस्तानका उपप्रधानमन्त्री कनात बोजुम्बायेभले जानकारी दिएका छन् ।उडिरहेको विमानमा आगो लागेर दुर्घटना भएको बताइएको छ ।

सो विमानमा ६२ यात्रु र ५ जना चालक दलका सदस्य थिए ।दुर्घटनास्थलबाट संकलन गरिएका शव जलेकाले चिन्न सकिने अवस्थामा छैनन् । अजरबैजान एयरलाइन्सको उडान J2-8243 अजरबैजानको राजधानी बाकुबाट रुसको चेचन्या क्षेत्रको ग्रोज्नीतर्फ जाँदै गरेको अकताउबाट करिब ३ किलोमिटर ९१।८ माइल० टाढा आपतकालीन अवतरण गर्नुअघि विमान दुर्घटनास्थलको फुटेजले स्तब्ध भएको क्षणलाई कैद गरेको छ। बाँचेकाहरू जलेको विमानबाट बाहिर निस्किए। बाँचेका सबैलाई अस्पतालमा लगिएको छ ।