हुम्लामा भारी हिमपात, जनजीवन प्रभावित

काठमाडौँ , पुस ९ । हुम्लामा आज बिहानैदेखि सुरु भएको हिमपातले जनजीवनमा ठुलो असर पुर्याएको छ। भारी हिमपातका कारण सडक तथा हवाई सेवा प्रभावित बनेका छन्। हुम्ला जिल्लाका विभिन्न गाउँहरूमा एक देखि दुई इन्चसम्म हिमपात भएको बताइएको छ। यसका कारण स्थानिय आवत–जावतमा कठिनाइ आईरहेको छ भने धेरै सवारी साधन मार्गमा थुनिएका छन्।

विमानस्थलमा पनि हिमपातका कारण हवाई उडानहरू रद्द भएका छन्, जसले गर्दा यात्रुहरू समस्यामा परेका छन्। मौसम विज्ञान विभागका अनुसार, यो हिमपातको क्रम आगामी दुई दिनसम्म निरन्तर रहने अनुमान गरिएको छ। जिल्लाका नाम्खाका लिमी, यारी, हल्जी, तील, हिल्सा चालालगायतका गाउँमा हिमपातले जनजीवन प्रभावित बनाएको छ। सदरमुकाम सिमकोटको तापक्रम अहिले ‘माइनस डिग्री’मा पुगेको छ।