घरायसी विवादका कारण श्रीमतीले गरिन् श्रीमानको हत्या

काठमाडौँ , ४ मसिर । रुकुमपश्चिमको चौरजहारी नगरपालिका–२ विजयश्वरीमा एक महिलाले श्रीमानको हत्या गरेकी छिन् । ३२ वर्षीया दीपा कुमालले ४० वर्षीय श्रीमान मधु कुमालको हत्या गरेकी हुन् ।

आज बिहान दीपाले चिर्पटले टाउकोमा प्रहार गरेर श्रीमानको हत्या गरेको जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकले बताए ।दीपा र मधुका १६ वर्षीय छोरा खिमले घटनाबारे प्रहरीलाई जानकारी गराएका थिए।

सूचना पाए लगत्तै प्रहरी प्रहरीले आरोपी महिलालाई नियन्त्रणमा लिइएको छ । घरायसी विवादका क्रममा दीपाले मधुलाई चिपर्ट प्रहार गरेको प्रारम्भिक अनुसन्धानबाट खुलेको प्रहरीले जानकारी दिए।