डाबर नेपाल सबैभन्दा बढी कर तिर्ने निर्यात कारोबारी कम्पनीको रूपमा सम्मानित

काठमाडौं, । डाबर नेपाल प्रालि निर्यात कारोबार गर्ने सबैभन्दा बढी कर तिर्ने कम्पनीको रूपमा सम्मानित भएको छ। यस वर्षको राष्ट्रिय कर दिवसको अवसरमा सरकारले निर्यात क्षेत्रमा योगदान पुर्याउने प्रमुख करदातालाई सम्मान गर्ने क्रममा डाबर नेपाललाई यो सम्मान प्राप्त भएको हो।

आर्थिक वर्ष २०७९/८० को अवधिमा, डाबर नेपालले निर्यात कारोबारको क्षेत्रमा सबैभन्दा बढी कर तिरेको तथ्यांक प्रस्तुत गरेको थियो। यस योगदानको मूल्याङ्कन गर्दै, आन्तरिक राजस्व विभागले डाबर नेपाललाई प्रमाणपत्रसहित सम्मान गरेको हो।

शनिबार काठमाडौंस्थित आन्तरिक राजस्व विभागमा आयोजित एक कार्यक्रमको दौरान, उपप्रधानमन्त्री र अर्थमन्त्री विष्णुप्रसाद पौडेलले डाबर नेपाललाई यो सम्मान हस्तान्तरण गरे। मन्त्री पौडेलले डाबर नेपालको निर्यात क्षेत्रमा पुर्याएको योगदानको उच्च प्रशंसा गर्दै, अन्य व्यवसायिक संस्थाहरूलाई पनि करको दायित्व समयमै तिर्न प्रेरित गर्न आवश्यक रहेको औँल्याए।

कार्यक्रममा डाबर नेपालका प्रतिनिधिहरू र विभिन्न सरकारी अधिकारीहरूको उपस्थिति रहेको थियो। यस अवसरमा, अन्य प्रमुख करदाताहरूलाई पनि विभिन्न श्रेणीमा सम्मान गरिएको थियो।

डाबर नेपाल प्रालिले आफ्नो व्यवसायिक सफलता र निर्यात कारोबारमा वृद्धि गर्दै देशको आर्थ‍िक विकासमा महत्वपूर्ण योगदान पुर्याएको दाबी गर्दै आएको छ। कम्पनीका अधिकारीहरूले भने, “यो सम्मानले हाम्रो निर्यात कारोबारलाई थप प्रोत्साहन दिएको छ र भविष्यमा अझ धेरै योगदान दिने प्रतिबद्धता हामीले जनाएको छ।”

यस कार्यक्रमले कर तिर्ने महत्त्व र जिम्मेवारीबारे जागरूकता फैलाउने उद्देश्य पनि पुरा गरेको छ, र व्यवसायिक क्षेत्रलाई समयमै कर तिर्नका लागि प्रेरित गर्ने काम गरेको छ।