दार्चुला जिप दुर्घटना:सात जनाको घटनास्थलमा मृत्यु , ६ जना गम्भीर घाइते

काठमाडौँ, कात्तिक ३० । दार्चुलामा जिप दुर्घटना हुँदा सात जनाको घटनास्थलमा मृत्यु भएको छ । ६ जना गम्भीर घाइते भएका छन् । दार्चुलाका प्रहरी नायब उपरीक्षक प्रकाश दाहालका अनुसार दार्चुलाको शैल्यशिखर नगरपालिका–६ ग्वानीकोे बकजेबलामा जिप दुर्घटना भएको हो ।

दुर्घटनामा परेर शैल्यशिखर नगरपालिका –५ लेकगाउँका ३० वर्षीय वीरेन्द्र रावल, सोही ठाउँका २८ वर्षीया शान्ति रावल, शैल्यशिखर–९ नकतडका ४५ वर्षीय दिलीप विष्ट, बैतडीको डिलाशैनी–५ का १५ वर्षीय सञ्जीव बोहरा र भारतको उत्तर प्रदेश विजनौर जिल्लाका ४५ वर्षीय मोहमद सफिर र सोही जिल्लाका १८ वर्षीय मोहमद बसिमको मृत्यु भएको हो । एकजनाको परिचय खुलेको छैन । जिप आज बिहान ४ बजेतिर दुर्घटनामा परेको थियो। दुर्घटनामा ६ जना घाइते भएका छन्र उनीहरुको अवस्था पनि गम्भीर रहेको प्रहरीले बजाएको छ ।