गिरीबन्धुको फाइल खोल्न केपी आलीलाई विश्वप्रकाश शर्माको आग्र्ह

काठमाडौँ , ६ असार | नेपाली कांग्रेसका महामन्त्री विश्वप्रकाश शर्माले गिरीबन्धु टी–इस्टेटको फाइल खोल्न आग्र्ह गरेका छन् । आज काठमाडौंमा आयोजित लैङ्गिक समानता अभिवृद्धिका लागि नेपाल महिला संघको भावी कार्ययोजना निर्माण विषयक कार्यशाला गोष्ठीलाई सम्बोधन गर्दै उनले यस्तो बताएका हुन् ।

गिरीबन्धु प्रकरणमा एमाले अध्यक्ष ओलीले कांग्रेसले जग्गा बेचेर खाएको आरोप लगाएको प्रतिवादमा शर्माले एमाले अध्यक्ष केपी शर्मा ओलीलाई गिरीबन्धु टी–इस्टेटको फाइल खोलेर देखाउन चुनौती दिएका छन्।

महामन्त्री शर्माले भने , ‘म केपी कमरेडलाई भन्छ चाहन्छु यो प्रकरणमा कांग्रेसले एक टुक्रा जग्गा बचेर पैसा खाएको छैन , तपाईं पनि झापाको म पनि झापाको मान्छे, तपाईंहरू सरकारमा हुनुहुन्छ खोल्नुस् गिरीबन्धुको फाइल।’ ‘केपी कमरेडले फेरि पनि भन्नुभयो कि, गिरीबन्धु प्रकरणमा कांग्रेसले ९१ बिघा जग्गा बेचेर कमिसन खायो भन्ने कुरा केपी ओलीको आवेगको कुरा रहेको उनले बताए । नभएको दोष कांग्रेसमाथि लगाउँदा आफूहरू चुप लागेर नसुन्ने महामन्त्री शर्माले बताए ।

२०५२ सालमा एमालेकै सरकार ,२०६० सालमा सूर्यबहादुर थापाको र २०७८ सालमा केपी शर्मा ओलीको नेतृत्वमा सरकार रहेको उनले बताए ।