वेष्टइन्डिजले न्यूजिल्याण्डलाई दियो १५० रनको लक्ष्य

काठमाडौँ , ३१ जेठ | आईसीसी टी – २० विश्वकप  २०२४ मा वेष्टइन्डिजले न्यूजिल्याण्डलाई १५० रनको लक्ष्य दिएको छ । ब्रेन लारा स्टेडियममा जारी खेलमा टस हारेर पहिले ब्याटिङ गरेको वेस्ट इण्डिजले ९ विकेट गुमाएर १४९ रन बनाएको हो। वेस्ट इन्डिजका लागि शेरफन रुथफोर्डल नट आउट रहँदै सर्वाधिक ६८ रनको योगदान गरे भने अन्य कुनैपनि खेलाडीले २० रन पनि कटाउन सकेनन्।

ब्रान्डन किङ ९ रनमा, जोनसन चार्ल्स र रोस्टन चेस शून्यमा, अल्जारी जोशेफ ६ रनमा र कप्तान रोवमन पवेल एक रनमा आउट भए। निकोलस पुरनले १२ बलमा ३ चौका हानेर १७ रन बनाए। न्यूजिल्याण्डका ट्रेन्ट बोल्टले तीन, टिम साउथी र लोकी फर्गुसनले दुई तथा जेम्स नीशाम र मिचेल स्यान्टनरले एकरएक विकेट लिए ।