सोनापुर मिनरल्सको आईपीओ बाँडफाँट

काठमाडौँ, २४ असोज । सोनापुर मिनरल्स एण्ड ओइल लिमिटेडले निष्काशन गरेको आईपीओ बाँडफाँट भएको छ । बिक्री प्रबन्धक एनआईएमबि एस क्यापिटलले बुधबार बिहान शेयर बाँडफाँड गरेको हो ।

सोनापुर मिनरल्स एन्ड आयल लिमिटेडको आइपीओमा ११ लाख १३ हजार ८५५ जना आवेदकले १ करोड ४७ लाख ६५ हजार १२० कित्ताका लागि आवेदन दिएका छन् ।जसमा १० लाख ४६ हजार ४५९ आवेदकबाट परेको १ करोड २० लाख ६९ हजार ८९० कित्तामात्रै सदर भएको क्यापिटलले जनाएको छ।

प्रमाणीकरण भएकामध्ये १० लाख ४० हजार ७७० आवेदकबाट परेको १ करोड १९ लाख ७५ हजार ५२० कित्ता सेयर सदर भएको छ भने ५ हजार ६८९ आवेदकबाट परेको ९४ हजार ३७० कित्ता रद्द भएका छन्।

माग भन्दा बढी आवेदन परेको हुँदा यो आइपीओ पनि गोलाप्रथाबाट बाँडफाँड भएको छ । जसमा १० लाख ३२ हजार १३२ आवेदकले १० कित्ताका दरले सेयर पाएका छन्। तिनै भाग्यमानी आवेदकमध्ये ८ जनाले थप १/१ कित्ता सेयर पाएका छन्। जसअनुसार सदर आवेदकमध्ये ८ हजार ६३८ को हात खाली भएको छ।

कम्पनीले असोज १४ गतेदेखि १०० अंकित मूल्यमा १३७ रुपैयाँ ५८ पैसा प्रिमियम थप गरी प्रतिकित्ता २३७ रुपैयाँ ५८ पैसाका दरले ९७ लाख ३२ हजार ५४४ कित्ता सेयर सर्वसाधरणका लागि बिक्रीमा ल्याएको हो । यो आईपीओको अन्तिम नतिजा केहीबेरमा सार्वजनिक हुनेछ।

यसरी हेर्नुहोस् नतिजा : 
१. बिक्री प्रबन्धकको वेबसाइट : https://www.nimbacecapital.com

२. मेरो शेयरको वेबसाइट : http://meroshare.cdsc.com.np/#/login

३. सिडिएसको वेबसाइट : http://iporesult.cdsc.com.np/