भ्रष्टाचारमा एक अर्कालाई जोगाईरहने,काण्डैकाण्ड गरेर देश डुबाइरहने:डा. तोसिमा कार्की

काठमाडौँ, २६ बैशाख । राष्ट्रिय स्वतन्त्र पार्टीकी सांसद डा. तोसिमा कार्कीले नेपाली कांग्रेसकी सांसद् डा. आरजु राण देउवालाई भ्रष्टचारमा लिङ्ग नजोडिने बताएकी छन्।मंगलबार बसेको प्रतिनिधिसभा बैठकमा बोल्दै सांसद डा. कार्कीले नेपाली डा. आरजु राणलाई संकेत गर्दै भ्रष्टाचारमा कहाँ लिङ्ग जोडिएको हुन्छ ? भन्दै प्रश्न गरेकी हुन्।

‘एक महिला माननीयज्यूले भन्नुभयो टेप काण्डको अनुसन्धान माग गर्दा महिला बिद्रोही भयो, महिला हिंसा भयो। मलाई उत्तर दिनुपर्यो। भ्रष्टाचारमा कहाँ लिङ्ग जोडिएको हुन्छरु भ्रष्टाचारीमात्र होइन यहाँ चिनारी फेरिएर राष्ट्रघात भएको छ। अपराध भएको छर कारबाही हुनुपर्छ,’ कार्किले भनिन्।

केही दिन अगाडि डा. देउवाले संसद बैठकमा भुटानी शरणार्थी प्रकरणको टेप काण्डको अनुसन्धान माग गर्दा महिला हिंसा भएको भन्दै गुनासो गरेकी थिइन्।

साथै कार्कीले भुटानी शरणार्थी प्रकरणका दोषिलाई पक्राउ पुर्जी जारी गर्दा समेत जोगाउन खोजिएको भन्दै असन्तुष्टि ब्यक्त गरिन् । उनले देशभित्र पुराना राजनितिक दलहरुले काण्डै काण्ड गरेको भन्दै अन्तराष्ट्रियस्तरमा समेत राष्ट्रलाई नै दलाली साबित गर्न खोजिएको जिकिर गरीन् ।

‘नक्कली भुटानी शरणार्थी प्रकरणका दोषिलाई पक्राउ पुर्जी जारी गर्दा समेत जोगाउन खोजिएको छ। एकले अर्कालाई जोगाइरहने, काण्डै काण्ड गरिरहने अनि यो देश डुबाइरहने ? अन्तराष्ट्रियस्तरमा समेत राष्ट्रलाई नै दलाली साबित गर्नेरु अनि के मुखले अनुदान माग्न जानेरु’ उनले भनेकी छनन्।