आज पनि प्रधानमन्त्री दाहाल र ओलीबीच भेटवार्ता हुँदै

काठमाडौँ, वैशाख २२ । प्रधानमन्त्री पुष्पकमल दाहाल ‘प्रचण्ड’ र एमालेका अध्यक्ष केपी शर्मा ओलीबीच शुक्रबार पनि भेटवार्ता हुँदैछ । हिजो बिहिबार पनि प्रधानमन्त्री प्रचण्ड र  ओलीबिच सिंहदरबार भेटवार्ता भएको थियो ।

प्रधानमन्त्री कार्यालय स्रोतका अनुसार आज दिउँसो ३ बजे प्रधानमन्त्रीसँग ओलीले भेटवार्ता गर्ने भएका हुन् ।

अध्यक्ष ओलीले र प्रधानमन्त्री प्रचण्डबीच नक्कली भुटानी शरणार्थी प्रकरणका विषयमा छलफल भएको थियो ।  भेटमा एमाले अध्यक्ष ओलीले नक्कली शरणार्थी बनाएर नेपालीलाई अमेरिका पठाउनेलाई कारबाही हुनुपर्ने बताएका थिए ।

उनले बहालवाला सांसदलाई बाटोमै पक्राउ गर्नु रहस्यमय भएको टिप्पणी गरेका थिए ।  ओलीले पक्राउ पुर्जी जारी भएपछि आफूले रायमाझीसँग कुरा गरेर जानकारी लिएको बताए ।

निर्दोष पर्न नहुने र दोषीलाई उम्काउन नहुने ओलीको भनाई थियो । ओलीले नक्कली शरणार्थी बनाएर नेपालीलाई अमेरिका पठाउने प्रकरणमा पार्टीले अध्ययन गरिरहेको समेत बताए ।