यस वर्षको मनसुनमा सरदरभन्दा कम वर्षा हुने सम्भावना

काठमाडौं, वैशाख २१ ।  जल तथा मौसम विज्ञान विभागले  यस वर्षको मनसुन समयमा देशका अधिकांश स्थानमा सरदरभन्दा कम वर्षा हुने सम्भावना रहेको बताएको छ । मौसम विभागले आज एक कार्यक्रमबिच यस वर्षको मनसुन समयको आकलन गरेको हो ।

आगामी मनसुन समयमा देशका अधिकांश स्थानमा सरदरभन्दा कम वर्षा हुने सम्भावना ३५ देखि ५५ प्रतिशत रहेको छ । कोशी प्रदेशका मध्य तथा उत्तरपूर्वी भू–भाग, बागमती प्रदेशका दक्षिण–पूर्वी भू–भाग र मधेश प्रदेशका अधिकांश भू–भागमा सरदर वर्षा हुने सम्भावना ३५ देखि ४५ प्रतिशत रहेको विभागले  जनाएको छ ।

अधिकतम् तापक्रम पनि देशभर सरदरभन्दा बढी हुने सम्भावना ३५ देखि ५५ रहेको साथै न्यूनतम तापक्रम केही स्थानमा सरदर र केही स्थानमा सरदरभन्दा बढी हुने सम्भावना रहेको विभागले जनाएो छ । धेरैजसो भू–भागमा न्यूनतम् तापक्रम सरदरभन्दा बढी हुने सम्भावना ३५ देखि ४५ प्रतिशत रहेको विभागले  जनाएको छ ।