ईपीएस भाषा परीक्षामा आठ हजार ३८० जना उत्तीर्ण

काठमाडौँ, १७ बैशाख । रोजगार अनुमति प्रणाली (ईपीएस) अन्तर्गत दक्षिण कोरियाका लागि कृषि तथा पशुपालनतर्फ दोस्रो चरणमा लिइएको भाषा परीक्षामा आठ हजार ३८० जनाको नतिजा सार्वजनिक भएको छ ।

सन् २०२३ मा कृषि तथा पशुपालनतर्फ ईपीएसमार्फत रोजगारीका लागि दक्षिण कोरिया जानका लागि २०७९ फागुन २३ देखि २०८० वैशाख १३ सम्म सञ्चालन भएको भाषा परीक्षाको नतिजा शनिबार सार्वजनिक भएको हो ।

सफल परिक्षार्थीहरुको स्किल टेष्ट बैशाख २५ गतेदेखी जेठ ४ गतेसम्म यूविटि भवन ललितपुर भैसेपाटीमा हुने भएको छ ।