आजको मौसम :मेघगर्जन, चट्याङसहित वर्षाको सम्भावना

काठमाडौँ, चैत ७ । पश्चिमी वायुको प्रभावले हाल देशभर सामान्यदेखि पूर्ण बदली रही केही स्थानमा मेघगर्जन, चट्याङसहित वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । वर्षासँगै उच्च पहाडी क्षेत्रमा बाक्लो हिमपात भई रहेको महाशाखाले जनाएको छ ।

देशका पहाडी भू-भागका केही स्थानमा र तराई भू-भागका थोरै स्थानहरुमा मेघ गर्जनसहित वर्षा हुनेछ। देशका अधिकांश ठाउँमा चट्याङ्ग, हावाहुरी र असिनासहित क्षणिक र हल्कादेखि मध्यम वर्षाको सम्भावना रहेको छ।

राती भने देशभर आशिकदेखि सामान्य बदली रहने छ। देशको पहाडी भू-भागका थोरै  स्थान  र   तराई भू–भागका एक दुई स्थानमा मेघ गर्जन र चट्याङ्ग , हावाहुरी सहित  हल्कादेखि मध्यम वर्षाको सम्भावना रहेको छ।