उपराष्ट्रपतिमा कांग्रेसले रामसहाय यादवलाई मतदान गर्ने निर्णय

काठमाडौं, चैत १ ।  आज बसेको नेपाली कांग्रेसको केन्द्रीय कार्यसम्पादन समिति बैठकले उपराष्ट्रपतिमा जसपाका उम्मेदवार रामसहाय यादवलाई मतदान गर्ने निर्णय गरेको छ । उपराष्ट्रपति बारे निर्णय गर्न बुधबार काँग्रेसको केन्द्रीय कार्यसम्पादन समितिको बैठक बसेको थियो ।

पार्टी प्रवक्ता डा प्रकाश शरण महतले पार्टीले जसपाका उम्मेदवार रामसहाय यादवलाई मतदान गर्ने निर्णय गरेको बताए ।उपराष्ट्रपतिको निर्वाचनमा अष्टलक्ष्मी शाक्य, प्रमीला कुमारी, ममता झा, रामसहाय प्रसाद यादव गरी चार जना उम्मेदवार रहेका छन् ।प्रमिला कुमारीले आफ्नो उम्मेदवारी फिर्ता लिसकेछिन्।

उपराष्ट्रपतिको निर्वाचन यही चैत ३ गते हुँदैछ ।