पृथ्वी जयन्ती पुनःस्थापित गर्नु जनआन्दोलनको मर्म र भावनाविपरीत कार्य गर्नु हो:उपेन्द्र यादव

काठमाडौँ, २६ पुस । जनता समाजवादी पार्टी, नेपाल (जसपा) का अध्यक्ष उपेन्द्र यादवले राजतन्त्रात्मक निरंकुश पञ्चायती व्यवस्थाले स्थापित गरेको पृथ्वी जयन्ती पुनःस्थापित गर्नु जनआन्दोलनको मर्म र भावनाविपरीत रहेको बताएका छन् ।

सामाजिक सञ्जाल फेसबकमार्फत अध्यक्ष यादवले प्रचण्ड सरकारले पृथ्वी जयन्ती पुनस्र्थापित गरेर जनआन्दोलनको मर्म र भावनाविपरीत कार्य गरेको बताएका हुन् ।

सरकारको यो कार्यले सहिदहरुको अपमान गर्ने र यसले विविधतामा एकता हैन एकतामा विभेद, असमानता र विविधता उत्पन्न गर्ने उनको दावी रहेको छ ।

सरकारले पुस २७ गते पृथ्वी जयन्तीमा सार्वजनिक बिदा दिने निर्णय गरेपछि जसपाले यसको विरोध गरेको हो।