चीनको सिजाङमा पहिरो जाँदा ३ जनाको मृत्यु, ७ जना बेपत्ता

एजेन्सी । चीनको दक्षिण पश्चिम क्षेत्रमा गएको ठूलो पहिरोका कारण कम्तीमा तीन जनाको ज्यान गएको छ भने सात जना अझै बेपत्ता छन्। घटना चीनको सिचुआन प्रान्तको एक पहाडी गाउँमा सोमबार राति भएको हो।

क्वाम्डो शहरको क्षेत्राधिकारअन्तर्गत पर्ने डेङ्क्वेन काउन्टीको मुता टाउनशिपमा राति करिव ९ः३० बजे पहिरो गएको थियो । घाइतेहरूको अस्पतालमा अवस्था सामान्य । एम्बुलेन्स, उत्खननकर्ता र दूरसञ्चार तथा बिजुली आपूर्ति सुविधाहरूको सहयोगमा लगभग पाँच सय उद्धारकर्ता, चिकित्साकर्मी र अग्निनियन्त्रकहरू साथै स्निफर कुकुरहरू खोज तथा उद्धार कार्यमा संलग्न छन् ।

स्थानीय अधिकारीहरूले दिएको जानकारी अनुसार, रातिको समयमा आएको लगातार भारी वर्षाले गर्दा पहाड खसेको हो। पहिरोले केही घर, बाटो र खेत पुरिएको छ। उद्धार टोली अहिले पनि हराइरहेका मानिसहरूलाई खोज्न प्रयासरत छन्। भारी वर्षा र पहिरोका कारण उद्धार कार्यमा कठिनाइ भइरहेको जनाइएको छ।

सरकारको तर्फबाट उद्धारका लागि विशेष टोली पठाइएको छ भने प्रभावित क्षेत्रका स्थानीय बासिन्दालाई सुरक्षित स्थानमा सारिएको छ। घटनापछि गाउँमा विद्युत् र सञ्चार सेवा पनि प्रभावित भएको छ। चीनमा वर्षाको मौसममा पहिरो, बाढी र डुबान हुने घटनाहरू बारम्बार हुने गर्छन्। मौसम विभागले अझै केही दिन भारी वर्षा हुने अनुमान गरेका छन्, जसले जोखिम अझ बढाउन सक्ने सम्भावना छ।

सरकारी अधिकारीहरूले जनताको सुरक्षाका लागि सतर्क रहन आग्रह गरेका छन्। बेपत्ताहरूको खोजी कार्य जारी छ।