उच्च अदालतको आदेशले रोकेन महानगरको डोजरलाई

काठमाडौँ, ३ असोज । काठमाडौँ महानगरले टुकुचा अतिक्रमण भएको ठाउँमा डोजर चलाएको छ। काठमडौँँ महानगरमा टुकुचा अतिक्रमण मुक्त क्षेत्र बनाउने अभियान अनुसार सो स्थानमा डोजर चलाइएको महानगरका प्रवक्ता नविन मानन्धरले जानकारी दिए। सो क्षेत्रमा ५८१ कित्ता जग्गामध्ये अधिकांशमा बनेका भौतिक संरचनाले टुकुचा अतिक्रमण गरेको महानगरको भनाइ छ ।

गत बिहीबार जय नेपाल सिनेमा हल परिसरमा महानगरले डोजर चलाएर भूमिगत अवस्थामा रहेको टुकुचा खोला फेला पारेको थियो। सो अभियानलाई निरन्तरता दिइने मानन्धरले बताए ।

आइतबार पाटन उच्च अदालतले टुकुचामाथि बनेका संरचनामा डोजर नचलाउन अन्तरिम आदेश दिएको थियो। तर, अदालतको आदेशले पनि काम नरोकिने महानगरले जनाएको छ ।

काठमडौँ महानगरले टुकुचालाई अतिक्रमण मुक्त बनाएर फुटपाथ र साइकल लेन बनाउने तयारी गरेको छ।