काठमाडौँ । माध्यमिक शिक्षा परीक्षा (एसईई) को पूरक (ग्रेडवृद्धि) परीक्षाको तालिका सार्वजनिक भएको छ । राष्ट्रिय परीक्षा बोर्डका अनुसार पूरक परीक्षा आगामी असार १ गतेदेखि असार ९ गतेसम्म सञ्चालन हुनेछ ।
यस परीक्षामा एसईईमा ‘सी’ ग्रेड वा सोभन्दा कम प्राप्त गरेका विद्यार्थीले सहभागी हुन पाउने छन् । बोर्डले सार्वजनिक गरेको नतिजाअनुसार यस वर्ष एसईईमा सहभागीमध्ये १ लाख ४६ हजार ५०७ विद्यार्थी नन-ग्रेडेड भएका छन् ।
गत सोमबार एसईईको नतिजा सार्वजनिक गरिएको थियो । परीक्षा सम्पन्न भएको केवल २९ दिनमै नतिजा निकालिएको बोर्डले जनाएको छ । अब नन-ग्रेडेड भएका तथा कम ग्रेड ल्याएका विद्यार्थीले यो पूरक परीक्षा दिएर आफ्नो ग्रेड सुधार गर्ने अवसर पाउनेछन् ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
