काठमाडौं । भारतले चिनी निर्यातमा प्रतिबन्ध लगाए पनि नेपालमा तत्काल चिनीको अभाव नहुने भएको छ । नेपालमा अहिले पर्याप्त मात्रामा चिनी मौज्दात रहेकाले बजारमा तत्काल असर नपर्ने व्यवसायीहरूले बताएका छन् ।
भारतले इन्धन महँगिएसँगै खाद्यान्नको मूल्य बढ्न सक्ने भन्दै सन् २०२६ सेप्टेम्बर ३० सम्म चिनी निर्यात रोक्ने निर्णय गरेको हो । भारतीय सञ्चारमाध्यमका अनुसार भारतले चिनीलाई ‘निषेधित’ वस्तुको सूचीमा राखेको छ ।
नेपाल चिनी उत्पादक सङ्घका अनुसार अहिले देशभर करिब एक लाख ४१ हजार मेट्रिक टन चिनी मौज्दात छ । व्यवसायीहरूका अनुसार आयात गरिएको चिनीसमेत जोड्दा करिब दुई लाख टन चिनी उपलब्ध छ ।
नेपालमा वार्षिक करिब दुई लाख ८० हजार टन चिनी आवश्यक पर्छ । स्वदेशी उत्पादनले माग नधानेपछि नेपालले मुख्य रूपमा भारतबाट चिनी आयात गर्दै आएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
