BYD नेपाल डिलर कन्क्लेव सम्पन्न

काठमाण्डौ । BYD नेपाल “नेपाल डिलर कन्क्लेव” सफलतापूर्वक आयोजना गरेको छ। यस विशेष कार्यक्रममा कम्पनीका प्रतिष्ठित डिलरहरूको नेटवर्कलाई एकत्रित गरी साझा संवाद र सहयोगका अवसरहरू सिर्जना गरिएको थियो।

कार्यक्रमको उद्देश्य साझेदारी र नवप्रवर्तनको लागि प्रतिबद्धता पुनः सुनिश्चित गर्नु थियो। डिलरहरूले विचार आदानप्रदान गर्दै भविष्यमा नेपालको हरित मोबिलिटीको प्रवर्द्धनका लागि साझा रणनीतिहरू तय गरे। बाईडि नेपालका प्रतिनिधिहरूले डिलरहरूसँग मिलेर कम्पनीको दीर्घकालीन उद्देश्यहरूको प्राप्तिका लागि नयाँ कदम चाल्नका लागि छलफल गरेका थिए।

कार्यक्रममा, डिलरहरू र कम्पनीको बीचमा आपसी सहयोग र साझेदारीको महत्त्वलाई विशेष जोड दिइयो। BYD नेपालका वरिष्ठ पदाधिकारीहरूले सहभागीहरूलाई कम्पनीको आगामी योजनाहरू र लक्ष्यहरूका बारेमा जानकारी दिए। उनीहरूले आगामी दिनहरूमा सस्टेनेबल मोबिलिटीको क्षेत्रमा नयाँ सम्भावनाहरू सिर्जना गर्नका लागि सबैलाई समर्पित र प्रतिबद्ध रहन आग्रह गरे।

BYD नेपालले समर्पित डिलरहरूलाई धन्यवाद दिँदै, उनीहरूको अनवरत समर्थन र योगदानका लागि हार्दिक आभार प्रकट गरेको छ। कम्पनीले आगामी समयको लागि उत्साही समर्पण र टोलीको एकतामा आधारित सफलतामा विश्वास राखेको जनाएको छ।