आज भारी वर्षाको सम्भावना

काठमाडौँ, १२ भाद्र |आज बिहानै देखि देशैभरिको विभिन्न स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ । आज दिनभर देशैभरिको मौसममा सामान्यदेखि धेरै स्थानमा चट्याङसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ ।

बागमती प्रदेश, गण्डकी प्रदेश र सुदूरपश्चिम प्रदेशका  धेरै स्थानमा तथा बाँकी प्रदेशका केही स्थानमा चट्याङसहित  मेघगर्जन हल्कादेखि मध्यम वर्षाको सम्भावना रहेको छ ।

भारी वर्षाले पहिरोका साथै नदी नाला तथा खहरे खोलाहरूमा पानीको सतह बढ्न सक्ने भएकोले आवश्यक सतर्कता अपनाउन पनि महाशाखाले आग्रह समेत गरेको छ ।

गण्डकी प्रदेश, लुम्बिनी प्रदेश र सुदुर पश्चिम प्रदेशमा चट्याङ्ग सहित भारी वर्षाको सम्भावना रहेको छ । यी प्रदेशमा सोमबार समेत भारी वर्षा हुने महाशाखाले जनाएको छ ।