काठमान्डौ ,१२ असार |नेकपा एकीकृत समाजवादीका अध्यक्ष माधवकुमार नेपालले स्टेट पार्टनरसीप प्रोग्राम (एसपीपी) सम्झौता तत्कालीन प्रधानमन्त्री केपी ओलीकै पालामा भएको दाबी गरेका छन् ।पार्टीनिकट महिला संगठनको कार्यक्रममा बोल्दै नेपालले भने ‘केपी ओलीकै पालामा एसपीपी सम्झौता भयो, तर अहिले थाहा नै भएन भन्नुहुन्छ,’ उनले थपे, ‘कि चिन्तनमा कमजोरी कि काम गर्ने गलत छ, यसमा सुधार गर्नु होला ।
अध्यक्ष नेपालले सत्ता गठबन्धनलाई निरन्तरता दिइने बताएका छन् । अध्यक्ष नेपालले भने, ‘गठबन्धनलाई निरन्तरता दिने पक्षमा छौं । यो गठबन्धन सरकार कायमै रहन्छ ।’
केपी ओलीको दास बनेर बस्ने, गेरु वस्त्र लगाएर राजनीतिबाट सन्यास लिने वा विद्रोह गर्ने तीन विकल्पमा आफूहरुले विद्रोह राेजेको उनले बताए ।
एमालेको ओरालो यात्रा संघीय निर्वाचनमा पनि कायमै रहन्छ, एमालेको नेतृत्व नसुध्रिए पतन निश्चित छ अध्यक्ष नेपालले भने ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
