रेणुको पहिलो निर्णय:सरकारी अस्पतालमा जन्मिएका छोरीहरुको एक लाख सम्मको जीवन बीमा गरिदिने

भरतपुर महानगरपालिकाको मेयरमा दोस्रो कार्यकालका लागि निर्वाचित नेकपा माओवादी केन्द्रकी रेणु दाहालले आज पदभार ग्रहण गरेकी छन् । दोस्रो कार्यभार सम्हाल्दै मेयर दाहालले सरकारी स्वास्थ्य संस्था वा अस्पतालमा जन्मिएका छोरीहरुको जीवन बीमा  गरिदिने निर्णय गरेकी छन् ।बीमा रकम एक लाख रुपैयाँको हुने र १५ वर्ष अवधिको हुने उनले बताइन् ।

त्यस्तै उनले महानगरपालिका भित्रका स्थानीयतको लागि सात हजारसम्म खानेपानीको महसुल तिरिदिने दोस्रो निर्णय गरेकी छन् ।महिनामा सात हजार लिटरसम्म खानेपानी उपभोग गर्ने ग्राहकलाई कुनै शुल्क नलाग्ने भएको छ ।

रेणुका अनुसार उनको यो निर्णयबाट लगभग ५२ प्रतिशत चितवनबासी लाभान्वित हुनेछन्र ।