चार महिनापछि इरानका दिवंगत सर्वोच्च नेता खामेनीको अन्त्येष्टि

एजेन्सी । इरानका सर्वोच्च नेता आयातोल्लाह अली खामेनीलाई युद्ध सुरु भएको केही महिनापछि अन्तिम बिदाइ दिँदै उनको गृहनगर मशहदमा समाधिस्थ गरिएको छ। अमेरिका र इजरायलले युद्धको सुरुवातमा गरेको हवाई आक्रमणमा उनी मारिएका थिए। उनले करिब ३७ वर्षसम्म इरानको नेतृत्व गरेका थिए। केही दिनसम्म देशभर सार्वजनिक शोक मनाइएपछि शुक्रबार बिहान उनको अन्त्येष्टि सम्पन्न भयो।

मशहदमा समाधिस्थ हुने उनी इरानका दोस्रो शासक बनेका छन्। यसअघि सन् १७४७ मा नादेर शाहलाई पनि त्यहीँ समाधिस्थ गरिएको थियो। अन्त्येष्टिका क्रममा तेहरानसहित धेरै सहरमा सडक र हवाई सेवा बन्द गरियो र हजारौँ मानिस श्रद्धाञ्जली दिन सडकमा उत्रिए। युद्धविराम भए पनि इरान र अमेरिकाबीच तनाव अझै कायम छ।

इरानले स्ट्रेट अफ होर्मुज जलमार्गमा आफ्नो नियन्त्रण कायम रहेको र आफूले युद्धमा सफलता हासिल गरेको दाबी गरेको छ। सरकारले अन्त्येष्टिमा देखिएको ठूलो भीडलाई जनसमर्थनको संकेत भनेको छ। तर अर्कोतर्फ, देशभित्र गरिबी, आर्थिक समस्या र राजनीतिक दमनका कारण खामेनीको शासनलाई लिएर मतभेद र असन्तुष्टि अझै पनि देखिन्छ।