काठमाडौँ । प्रमुख प्रतिपक्षी नेपाली कांग्रेसले राइड सेयरिङ चालक गणेश नेपालीले गरेको आत्मदाह घटनाबारे प्रधानमन्त्री बालेन्द्र शाह (बालेन) को मौनतामाथि प्रश्न उठाएको छ। कांग्रेसकी प्रमुख सचेतक बासना थापाले प्रतिनिधि सभा बैठकमा बोल्दै प्रधानमन्त्रीले घटनाबारे स्पष्ट धारणा राख्नुपर्ने बताइन्।
उनले विपक्षमा हुँदा राज्यका कमजोरीबारे आवाज उठाउने प्रधानमन्त्री अहिले सरकारको नेतृत्वमा रहेकाले यस्ता घटनाको जिम्मेवारी लिनुपर्ने धारणा राखिन्। उनले विगतमा संसद भवन अगाडि प्रेम आचार्यले आत्मदाह गर्दा तत्कालीन मेयर बालेनले दिएको प्रतिक्रियाको पनि स्मरण गराइन्।
थापाले आत्मदाह गर्न बाध्य हुने अवस्था आउनु राज्यको कमजोरी भएको बताउँदै नागरिकको पीडा बुझ्न सरकारलाई आग्रह गरिन्। उनले उद्धारका क्रममा राज्यको व्यवहारमाथि पनि प्रश्न उठाइन्। साथै, पछिल्ला आत्महत्याका घटनाले देशमा निराशा बढिरहेको भन्दै मानसिक समस्या, रोजगारी र सुशासनका विषयमा सरकारले गम्भीर कदम चाल्नुपर्ने बताइन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
