काठमाडौं । एमबीएलले आफ्नो संस्थागत सामाजिक उत्तरदायित्व (सीएसआर) कार्यक्रमअन्तर्गत दार्चुलाको अपी हिमाल गाउँपालिका–४, मर्खोलास्थित श्री सरस्वती आधारभूत विद्यालयलाई शैक्षिक, खेलकुद तथा स्टेशनरी सामग्री प्रदान गरेको छ।
बैंकको अपी हिमाल शाखामार्फत विद्यालयलाई आवश्यक शैक्षिक तथा खेलकुद सामग्री हस्तान्तरण गरिएको हो। उक्त सहयोगले विद्यार्थीहरूको पठनपाठनलाई थप प्रभावकारी बनाउन, सिकाइ वातावरण सुधार गर्न तथा विद्यालयमा गुणस्तरीय शिक्षाको प्रवर्द्धन गरेको छ।
एमबीएलका अनुसार यस कार्यक्रमको उद्देश्य विद्यार्थीहरूलाई आवश्यक शैक्षिक स्रोत उपलब्ध गराई उनीहरूको सर्वाङ्गीण विकासमा टेवा पुर्याउनुका साथै समुदायमा शिक्षा क्षेत्रको सुदृढीकरणमा योगदान गर्नु हो।
बैंकले संस्थागत सामाजिक उत्तरदायित्वअन्तर्गत शिक्षा, स्वास्थ्य, वित्तीय साक्षरता तथा सामुदायिक विकासका क्षेत्रमा विभिन्न कार्यक्रम सञ्चालन गर्दै आएको जनाएको छ। आगामी दिनमा पनि समुदाय सशक्तीकरण र दिगो विकासमा योगदान पुग्ने यस्ता सामाजिक कार्यक्रमलाई निरन्तरता दिइने बैंकले जनाएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
