प्रतिनिधिसभा बैठक बस्दै,बजेटमाथिको छलफलमा उठेका प्रश्नको अर्थमन्त्रीले जवाफ दिने

काठमाडौँ । संघीय संसद अन्तर्गत प्रतिनिधिसभाको बैठक आज बिहान ११ बजे सिंहदरबारमा बस्दैछ। बैठकमा आगामी आर्थिक वर्ष २०८३–०८४ को बजेटमाथि सामान्य छलफल सुरु हुने भएको छ। अर्थमन्त्री डा. स्वर्णिम वाग्लेले बजेटका मुख्य विषयबारे जानकारी दिँदै छलफल अगाडि बढाउने प्रस्ताव पेश गर्नेछन् र सांसदहरूले उठाएका प्रश्नको जवाफ पनि दिनेछन्।

यसका साथै उनले विनियोजन विधेयक, राष्ट्र ऋण उठाउने विधेयक र नेपाल राष्ट्र बैंक (तेस्रो संशोधन) विधेयक संसदमा पेश गर्ने कार्यक्रम छ। संस्कृति, पर्यटन तथा नागरिक उड्डयन मन्त्री खडक राज पौडेलले पर्यटन विधेयक, २०८२ लाई थप छलफलका लागि सम्बन्धित समितिमा पठाउने प्रस्ताव राख्नेछन्। यस्तै, श्रम मन्त्री रामजी यादवले श्रम निरीक्षण तथा बाध्यकारी श्रम सम्बन्धी अन्तर्राष्ट्रिय श्रम संगठनका दुई महत्वपूर्ण महासन्धि सदनमा पेश गर्नेछन्।