काठमाडौँ । चन्द्रागिरि नगरपालिकामा सुरक्षा बलियो बनाउन नेपाल प्रहरीसँग मिलेर सिसिटिभी क्यामेरा जडान गर्ने भएको छ । यसका लागि नगरपालिका र प्रहरीबीच समझदारीपत्रमा हस्ताक्षर गरिएको छ । नागढुङ्गादेखि कलङ्कीसम्मको मुख्य सडक र वडा कार्यालय जाने बाटोहरूमा क्यामेरा राखिनेछ ।
नगरपालिका र प्रहरीका अनुसार यसले चोरी, अपराध तथा अन्य अवाञ्छित गतिविधि नियन्त्रण गर्न मद्दत गर्नेछ । साथै ट्राफिक व्यवस्थापन पनि सहज हुने अपेक्षा गरिएको छ । समझदारीपत्रमा नगर प्रमुख घनश्याम गिरी र काठमाडौँ उपत्यका प्रहरी कार्यालयका प्रमुख एआईजी ईश्वर कार्कीले हस्ताक्षर गरेका हुन् ।
हाल चन्द्रागिरि क्षेत्रमा करिब ४०० सिसिटिभी क्यामेरा सञ्चालनमा छन् । नयाँ क्यामेरा थपिएपछि निगरानी अझ प्रभावकारी हुने विश्वास व्यक्त गरिएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
