ललितपुरको सांस्कृतिक र ऐतिहासिक धरोहरसँग १०७ औँ स्थापना दिवस

काठमाडौँ – ललितपुर महानगरपालिकाले आज आफ्नो १०७ औँ स्थापना दिवस भव्य रूपमा मनाउँदै छ।

विक्रम संवत् १९७५ पुस २ गते पाटन सवालबाट सुरु भएको छेमडोल अड्डा सञ्चालनपछि ललितपुर नगरपालिका स्थापना भएको थियो। त्यसपछि क्रमशः विसं १९१८ मा ललितपुर नगर पञ्चायत, २०४७ मा पुनः ललितपुर नगरपालिका, २०५२ मा ललितपुर उपमहानगरपालिका, र २०७३ चैत १० गते ललितपुर महानगरपालिका घोषणा गरिएको थियो।

ललितपुर महानगरपालिका आफ्नो कला, संस्कृति, सम्पदा र हरित सहरको लागि प्रसिद्ध छ। हाल महानगरको नेतृत्व महानगरप्रमुख चिरीबाबु महर्जन ले गर्नु भएको छ।

यस वर्षको स्थापना दिवस कार्यक्रममा प्रधानमन्त्री प्रमुख अतिथि रहनेछन्। महानगरले आफ्नो स्थापना दिवस विभिन्न सांस्कृतिक कार्यक्रम, प्रदर्शनी र भव्य समारोहमार्फत मनाउने तयारी गरेको छ।

स्थापना दिवसले ललितपुरको ऐतिहासिक महत्व, सांस्कृतिक सम्पदा र शहरी विकासको झल्को प्रस्तुत गर्ने अवसरको रूपमा लिन सकिन्छ।