नेपालका विभिन्न भागमा ४ रेक्टर स्केलका भूकम्पका धक्का

काठमाडौँ —  मंगलबार नेपालमा तीन स्थानमा भूकम्प गएको छ। राति ११:२३ बजे सिन्धुपाल्चोकको तारामराङ आसपास ४ म्याग्निच्यूडको भूकम्प गएको राष्ट्रिय भूकम्प मापन केन्द्रले जनाएको छ।

बिहान ६:१५ मा गोरखाको अजिरकोट–३ हंशपुर र दिउँसो ३:१३ बजे दोलखाको लापिलाङ क्षेत्रलाई केन्द्रबिन्दु बनाएर क्रमशः ४ र ४.१ म्याग्निच्यूडका भूकम्प गएको हो। आसपासका क्षेत्रमा धक्का महसुस गरिएको थियो।