काठमाडौँ , ९ फागुन । नेपाल टेलिकमले ६९ नयाँ कर्मचारीका लागि दरखास्त आह्वान गरेको छ। टेलिकमले उपप्रबन्धकदेखि जुनियर टेक्निसियनसम्मका विभिन्न पदमा कर्मचारी नियुक्ति गर्नका लागि आवेदन मागेको हो।
सूचना अनुसार, ३ जना उपप्रबन्धक, २ जना वरिष्ठ इन्जिनियर, २ जना वरिष्ठ लेखा अधिकृत, १८ जना इन्जिनियर, १२ जना सहायक लेखा अधिकृत र १४ जना सहायक लगायतका पदहरू रिक्त रहेका छन्। इच्छुक र योग्य नेपाल नागरिकहरूले फागुन २९ सम्म दरखास्त दिन सक्नेछन्।
आवेदकहरूले अनलाइन फारमको तोकिएका स्थानहरूमा आफ्नो नेपाली नागरिकताको प्रमाणपत्र, हालसालै खिचिएको पासपोर्ट साइजको फोटो, नमूना हस्ताक्षर, हासिल गरेको न्यूनतम शैक्षिक योग्यताको प्रमाणपत्र, तालिम प्रमाणपत्र, अनुभव प्रमाणपत्र, परिषद् दर्ता प्रमाणपत्र ९केवल आवश्यक पर्ने पदहरूको लागि०, समावेशी प्रमाणपत्र, र समकक्षता निर्धारण पत्रका प्रतिलिपिहरू अपलोड गर्नुपर्नेछ र कम्पनीको वेबसाइट मार्फत अनलाइन प्रणाली मार्फत आवेदनहरू बुझाउनु पर्नेछ।
अपूर्ण, समयसीमा पछि पेश गरिएका, वा आवश्यक कागजातहरू बिना पेश गरिएका आवेदनहरू प्रशोधन गरिने छैन। अनलाइन प्रणालीमा भरिएका र अपलोड गरिएका विवरणहरू तोकिए बमोजिम नभएको वा गलत पाइएमा आवेदक आफैं जिम्मेवार हुनेछन्। लिखित परीक्षा लोक सेवा आयोगद्वारा सञ्चालन गरिनेछ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
