भारतका पूर्वप्रधानमन्त्री डा मनमोहन सिंहको निधनमा प्रधानमन्त्री ओलीद्धारा शोक व्यक्त

काठमाडौँ , पुस १२ । प्रधानमन्त्री केपी शर्मा ओलीले भारतका पूर्वप्रधानमन्त्री डा मनमोहन सिंहको निधन भएकामा  शोक व्यक्त गरेका छन्। सन् २००४ देखि २०१४ सम्म प्रधानमन्त्रीको कार्यभार सम्हाल्नुभएका सिंहको बिहीबार साँझ नयाँदिल्लीको अस्पतालमा ९२ वर्षको उमेरमा निधन भएको थियो ।

उनको राजकीय सम्मानका साथ अन्त्येष्टि गरिनेछ ।पूर्वप्रधानमन्त्री डा मनमोहन सिंहको निधनमा प्रधानमन्त्री ओलीले नेपाल र भारतको आपसी हितका विषयमा सिंहसँग भएका संवाद सम्झिरहेको उल्लेख गर्दै फेसबुकमा नेता सिंहसँगको आफ्नो तस्बिर सार्वजनिक गरेका छन्। उनले लेखेका छन् , मित्रराष्ट्र भारतका पूर्व प्रधानमन्त्री, प्रतिष्ठित अर्थशास्त्री, मेरा मित्र डा मनमोहन सिंहको ९२ वर्षको उमेरमा निधन भएको छ। नेपाल र भारतको आपसी हितका विषयमा उहाँसँग भएका संवादहरु सम्झिरहेको छु। दिवंगत मनमोहन सिंहप्रति हार्दिक श्रद्धाञ्जली अर्पण गर्दछु।