रविलाई आठौँ पटक म्याद थपका लागि अदालतमा पेश गराइयो

काठमाडौँ, २ पुस । सहकारी ठगी प्रकरणमा पूर्व गृहमन्त्री एवं राष्ट्रिय स्वतन्त्र पार्टी ९रास्वपा० सभापति रवि लामिछाने अदालतमा पेश भएका छन्।सहकारी संस्थाको रकम हिनामिना प्रकरणमा अनुसन्धान प्रतिवेदन बुझाइसकेको कास्की प्रहरीले रास्वपा सभापति रवि लामिछानेसहितका व्यक्तिहरुलाई आज जिल्ला अदालतमा उपस्थित गराएको छ ।

प्रहरीले गोर्खा मिडियाकै पूर्व प्रबन्ध निर्देशकसमेत रहेका लामिछानेसहित गोर्खा मिडियाका पूर्वउपाध्यक्ष छविलाल जोशी, नेचर हर्ब्सका सञ्चालक रामबहादुर खनाल, जीबी राईका सहयोगी लिला पछाईंलाई अदालतमा उपस्थित गराएको हो ।

सोही प्रतिवेदन अध्ययन गर्न समय लाग्ने भएपछि आज आठौँ पटक म्याद थप्नका लागि लामिछानेलाई अदालतमा पेश गरिएको हो।कास्की प्रहरीले तयार गरेको अध्ययन प्रतिवेदनमा ५१ जनालाई प्रतिवादी बनाइएको छ, जसमा ३७ जना फरार छन्।

प्रहरीको राय अनुसार उनीहरुविरुद्ध १ अर्ब ५१ करोड रुपैयाँ बिगो मागदाबी पनि गरिएको छ। लामिछानेलाई हिरासतमा राखेर अनुसन्धान गर्ने भन्दै ७ पटक अदालतबाट म्याद लिएको छ। मंगलबार आठौं पटक थप म्याद माग्न लागेको सरकारी वकिलको कार्यालयले जनाएको छ। लामिछानेसँगै अनुसनधानका लागि पूर्व डिआइजी छविलाल जोशी, रामप्रसाद खनाल, लिला पछाई र कृष्णबहादुर गुरुङ प्रहरीको हिरासतमा छन्।