काठमाडौं। हालैको समाचार अनुसार, कानून, न्याय तथा संसदीय मामिला मन्त्री अजयकुमार चौरसियाले भौतिक संरचना सञ्चालनका लागि कानून मन्त्रालयले सर्वोच्च अदालतको निकायसँग सम्बन्ध स्थापित गरिरहेको बताएका छन्। आइतबार, कानून, न्याय तथा मानव अधिकार समितिको बैठकमा बोल्दै मन्त्री चौरसियाले अदालतसँग छलफल गरेर अगाडि बढ्न आवश्यक रहेकोमा जोड दिएका छन्।
उनले भने, “भौतिक संरचना सञ्चालनका लागि कानून मन्त्रालयले सर्वोच्च अदालत लगायतका निकायसँग सम्बन्ध स्थापित गरिरहेको छ। सञ्चालनको मुख्य सवाल रहेकाले गृह मन्त्रालय र महिला मन्त्रालयसँग पनि छलफल गर्नुपर्ने अवस्था छ।”
मन्त्री चौरसियाले नयाँ कानून संशोधनको क्रममा समितिका सांसदहरूसँग छलफल गर्नुपर्ने आवश्यकता रहेको बताएका छन्। उनले बलात्कारसम्बन्धी मुद्दामा कुन जबरजस्ती हो र कुन सहमतिमा आधारित हो भन्ने विषयमा पनि कानून संशोधन गर्नुपर्ने सुझाव दिएका छन्।
“संविधानलाई कार्यान्वयन गर्दा कहाँ-कहाँ कठिनाई छन्, के-के संशोधन गर्दा नागरिकहरूले आफ्नो अधिकारलाई प्रभावकारी रूपमा प्रयोग गर्न सक्छन् भन्ने विषयमा मन्त्रालयमा छलफल गरिसकेका छौं,” उनले थपेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
