काठमाडौँ, –सिटिजन्स् बैक इन्टरनेसनलले फोनपेसगँको सहकार्यमा आज नेपालको पहिलो डिजिटल-फर्स्ट क्रेडिट कार्डको शुभारम्भ गर्दै एक नयाँ अध्यायको आरम्भ गरेको छ। यो क्रेडिट कार्ड मोबाइल बैंकिङ एप्समार्फत तात्कालिक क्रेडिट पहुँच प्रदान गर्दछ, जसले प्रयोगकर्तालाई लेनदेनमा अनुकूलता र सुविधा ल्याउँछ।
फोनपेका प्रतिनिधि मनोज थापाले भने, “यो क्रेडिट कार्डले नेपालमा वित्तीय समावेशीकरणको क्षेत्रलाई नयाँ उचाइमा पुर्याउँछ। मोबाइल एप्समार्फत तात्कालिक क्रेडिट पहुँच उपलब्ध गराउने यस समाधानले प्रयोगकर्तालाई लेनदेनमा पूर्ण नियन्त्रण र वित्तीय व्यवस्थापनको क्षमता प्रदान गर्दछ।”
सिटिजन्स् बैक इन्टरनेसनलका प्रतिनिधिले थपे, “हामीले यो कार्डको शुभारम्भसँगै हाम्रो ग्राहकलाई उत्कृष्ट वित्तीय सेवाको अनुभव प्रदान गर्न पाउँदा खुशी छौँ। यसले फोनपे नेटवर्कमा रहेका लाखौं व्यवसायहरूसँग सहज लेनदेनको अवसर प्रदान गर्नेछ।”
यस क्रेडिट कार्डको माध्यबाट, ग्राहकहरूले स्थानीय विक्रेतादेखि प्रमुख खुद्रा विक्रेतासम्मको कारोबारलाई सहजता र सरलतासाथ सम्पन्न गर्न सक्नेछन्। साथै, यसले बैंकरहरूलाई छिटो र सस्तो तवरमा आफ्ना ग्राहकलाई समावेश गर्न मद्दत गर्नेछ।
सप्टेम्बरको अन्त्यसम्म, सदस्य बैंकहरूले यो कार्यक्रमलाई लन्च गर्न सक्नेछन्, जसले नेपालमा वित्तीय परिस्थितिलाई समावेशी र नविनतम बनाउन मद्दत गर्ने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
