भरतपुरमा अज्ञात समूहद्वारा स्कुल बसमा आगजनी

भरतपुर, वैशाख ३०  ।  भरतपुर कल्याणपुरमा रहेको दद्रेनी पुलमा स्मल हेभन स्कुलको बसमा आगजनी भएको छ । चारवटा मोटरसाइकलमा आएका छ जनाको समूहले बस रोकी पेट्रोल छर्किएर आगजनी गरेका थिए ।

स्कुलबाट विद्यार्थी ओसार्न अमृतनगरतर्फ गइरहेको बसमा आगजनी भएको विद्यालयका प्रध्यानाध्यापक रामचन्द्र न्यौपानेले जानकारी दिए । आगजनीबाट बा ०६००१ क ००४५ नम्बरको स्कुल बस पूर्णरुपमा क्षति भएको छ ।