काठमाडौँ, २८ बैशाख । नेपाली कांग्रेसले गृहमन्त्री रवि लामिछानेलाई संसदमा बोल्न दिने निर्णय गरेको छ ।शुक्रबार बिहान बसेको नेपाली कांग्रेस संसदीय दलको बैठकले गृहमन्त्री लामिछानेलाई आजदेखि सुरु हुन लागेको बजेट अधिवेशनको क्रममा संसदमा बोल्न दिने निर्णय गरेको हो ।
गृहमन्त्री लामिछाने बोलेपछि आजको संसद् बैठक अवरुद्ध गर्ने रणनीतिमा नेपाली कांग्रेस रहेको छ। नयाँ बानेश्वरस्थित ल्होत्से हलमा शुक्रबार बसेको कांग्रेस संसदीय दलको बैठक यस्तो निर्णय गरेको हो।
बैठकपछि सञ्चारकर्मीसँग बोल्दै प्रमुख सचेतक रमेश लेखकले सहकारीको रकम हिनामिना प्रकरणको निष्पक्ष छानबिनका लागि संसदीय छानबिन समितिको आवश्यकता रहेको र समिति गठन नभएमा सदन अवरुद्ध हुने बताए।
लामिछानेलाई गृहमन्त्रीको हैसियतमा नभई रास्वपा सभापतिको रुपमा बोल्न दिने निर्णय गरेको हो । सहकारी ठगी प्रकरणमा गृहमन्त्रि लामिछाने मुछिएको भन्दै संसदीय छानबिन समिति बनाउनुपर्ने माग गर्दै आइरहेको छ ।
सहकारी ठगी प्रकरणमा गृहमन्त्री रवि लामिछाने समेत मुछिएपछि त्यसबारे संसदीय समिति गठन गरी छानविन हुनुपर्ने भन्दै कांग्रेसले संसद्मा अवरोध गर्दै आएको छ ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
