ललितपुरको एक टहरोमा लागेको आगलागीमा दुई बालिकाको मृत्यु, दुईको अवस्था गम्भीर

काठमाडौँ, २५ बैशाख । ललितपुर महानगरपालिको  ग्वार्कोस्थित एक टहरोमा भएको आगलागीमा परी आगलागी हुँदा एकै परिवारका पाँचजना घाइते भएका थिए । घाइते भएकामध्ये दुई बालिकाको सोमबार मृत्यु भएको छ ।

घाइतेमध्ये आठ वर्षीया प्रिया गिरी र तीन वर्षीया एलिसा गिरीको मृत्यु भएको जिल्ला प्रहरी परिसर ललितपुरका प्रवक्ता, प्रहरी उपरीक्षक नरेशराज सुवेदीले जानकारी दिए ।

उनीहरुको उपचारका क्रममा किष्ट अस्पतालमा राति मृत्यु भएको हो । अन्य दुईजनाको अवस्था गम्भीर रहेको र उनीहरुको उपचार भइरहेको छ । एकजनाको अवस्था खतरामुक्त रहेको प्रहरीको भनाइ छ ।

घर मालिक ३५ वर्षीय सञ्जय गिरीको भेन्टिलेटरमा र उनकी श्रीमती ३२ वर्षीया रुपा गिरीको आइसियुमा राखेर उपचार भइरहेको छ । अर्का घाइते नित गिरीको अवस्था सामान्य छ । गिरीलाई साधारण वार्डमा सारिएको छ ।