प्रतितोला ११ सयले घट्यो सुनको मूल्य

काठमाडौँ  , १० वैशाख | आइतबार स्थिर रहेको सुनको मूल्य आज घटेको छ। प्रतितोला एक हजार एक सय रूपैयाँ घटेको हो। नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ३८ हजार दुई सय रूपैयाँ रहेको छ ।

हिजो तुलनामा सुनको मूल्य आज प्रतितोला एक हजार एक सय रूपैयाँ घटेको हो। आइतबार छापावाल सुन प्रतितोला एक लाख ३९ हजार तीन सय रहेको थियो । आज तेजाबी सुन प्रतितोला एक लाख ३७ हजार पाँच सय ५० रूपैयाँ रहेको महासंघले जनाएको छ ।

आज चाँदीको मूल्य पनि घटेको छ। आइतबार प्रतितोला १७ सय ४० रूपैयाँमा कारोबार भएको चाँदी आज ३५ रूपैयाँ घटेर प्रतितोला १७ सय ५ रूपैयाँमा कारोबार भइरहेको महासंघले जनाएको छ ।