नक्कली भुटानी शरणार्थी प्रकरणमा प्रहरी हिरासतमा रहेका टोपबहादुर रायमाझी अस्पताल भर्ना

काठमाडौँ, १५ चैत ।नक्कली भुटानी शरणार्थी प्रकरणमा प्रहरी हिरासतमा रहेका टोपबहादुर रायमाझीलाई अस्पताल भर्ना गरिएको छ। नेकपा (एमाले) का निलम्बित सचिव समेत रहेका रायमाझीको मुटुमा समस्या भएपछि बुधबार उनलाई महाराजगञ्जस्थित टिचिङ अस्पताल परिसरमा रहेको

मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना गरिएको हो। उनको पल्स घट्ने तथा रक्तचाप घट्ने बढ्ने भइरहेको बताइएको छ ।

मुटुको चालको निगरानी गर्न सेन्टरमा राखिएको उपचारमा संलग्न वरिष्ठ मुटुरोग विशेषज्ञ डा.चन्द्रमणि पौडेलले बताए।

रायमाझीलाई २४ घन्टा निगरानीमा राखेर उपचार गरिने छ ।