दाङमा बस दुर्घटना हुँदा दुईको मृत्यु

दाङ, माघ ८   । दाङमा बस दुर्घटना हुँदा दुई जनाको मृत्यु भएको छ । बर्दियाबाट काठमाडौँ जाँदै गरेको प्रदेश ३ ०१००५ ख ९७१९ नम्बरको बस दाङ लमही नगरपालिका–९ रिहार नजिकै गएराति दुर्घटना भएको हो ।  दुर्घटना हुँदा बसमा सवार दुई जनाको घटनास्थलमै मृत्यु भएको छ ।

मृत्यु हुनेमा गेरुवा गाउँपालिका– १ बर्दियाका ३६ वर्षीय भिमनाथ योगी र  युवराज चौधरी छन् । बसमा ४७ जना यात्रु रहेका थिए । दुर्घटनाबाट दुई जना घाइते भएको र अन्य यात्रु सकुशल रहेको जनाइएको छ ।

बसको पट्टा भाँचिएर दुर्घटना भएको प्रहरीले जनाएको छ । बस ठोकिन लागेपछि हामफालेर ज्यान बचाउन खोज्दा योगी र चौधरी च्यापिए  मृत्यु भएको  प्रहरीले जनाएको छ ।