ऊर्जा सचिव घिमिरे र नेपाली सेनाका रथी पाण्डेको राजीनामा स्वीकृत

काठमाडौं, मङ्सिर ७ । सरकारले नेपाली सेनाको उपरथी ताराध्वज पाण्डे र ऊर्जा, जलस्रोत तथा सिँचाइ मन्त्रालयका सचिव दिनेशकुमार घिमिरेको राजीनामा स्वीकृत गरेको छ ।

सिंहदरबारस्थित प्रधानमन्त्री कार्यालयमा बिहीबार बिहान बसेको मन्त्रिपरिषद् बैठकले उपरथी पाण्डेको राजीनामा गत कात्तिक २४ गतेदेखि लागू हुने गरी स्वीकृत गरेको सञ्चार तथा सूचना प्रविधिमन्त्री रेखा शर्माले जानकारी दिइन् । उमेर विवादमा मुछिएपछि उपरथी पाण्डेले आफ्नो पदबाट राजीनामा दिएका थिए।

ऊर्जा सचिव घिमिरेले व्यक्तिगत कारण देखाउँदै पदावधि सकिनु एक महिना अगावै राजीनामा दिएका थिए।