११ महिनामा ११ खर्ब १२ अर्ब रेमिट्यान्स भित्रियो, विदेशी मुद्रा सञ्चिती १५ खर्ब (पूर्णपाठसहित)

काठमाडौँ, २५ असार । नेपाल राष्ट्र बैंकले देशको वर्तमान आर्थिक तथा वित्तीय स्थितिसहितको रिपोर्ट सार्वजनिक गरेको छ ।

केन्द्रिय बैंकले चालु आर्थिक वर्षको ११ महिनाको प्रतिवेदन सार्वजनिक गर्दै   चालु आर्थिक वर्षको जेठ मसान्तसम्म कूल रु ११ खर्ब १२ अर्ब ५२ करोड बराबरको विप्रेषण मुलुक भित्रिएको जनाएको छ ।

प्रतिवेदनमा चालु आर्थिक वर्षको ११ महिनासम्म विप्रेषण आप्रवाहमा २२‍‌‌‍‍.७ सात प्रतिशतले वृद्धि भएको छ ।

अघिल्लो वर्षको सोही अवधिमा विप्रेषण आप्रवाह ४.१ प्रतिशतले बढेको थियो । अमेरिकी डलरमा विप्रेषण आप्रवाह १३ प्रतिशतले वृद्धि भई आठ अर्ब ५१ करोड पुगेको छ । अघिल्लो वर्ष यस्तो आप्रवाह एक दशमलव आठ प्रतिशतले बढेको थियो ।

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत-नयाँ) लिने नेपालीको सङ्ख्या ४६ दशमलव छ प्रतिशतले वृद्धि भई चार लाख ५९ हजार चार १५ पुगेको छ ।

त्यस्तै, जेठसम्म महंगी ६.८३ प्रतिशतमा झरेको तथ्याङ्कमा उललेख छ । जबकी बैशाख मसान्तसम्म ७.४१ प्रतिशत महंगी थियो ।

यता विदेशी मुद्रा सञ्चिती पनि करिब १५ खर्ब नजिक पुगेको छ ।