नेपाल र कुवेतबीचको सेमिफाइनल खेल वर्षाले अवरुद्ध

काठमाडौँ, वैशाख १६  ।नेपाल र कुवेतबीचको सेमिफाइनल  खेल रोकिएको छ। एसीसी प्रिमियर कप अन्तर्गतको नेपाल र कुवेतबीचको सेमिफाइनल खेल वर्षाले अवरुद्ध भएको छ । कीर्तिपुरस्थित त्रिवि मैदानमा कुवेतले टस जितेर फिल्डिङ रोजेपछि नेपालले पहिले ब्याटिङ गरेको थियो ।

नेपाली टिममा रोहित पौडेल, आसिफ शेख, दीपेन्द्रसिंह ऐरी, करण केसी, सोमपाल कामी, कुशल भुर्तेल, ललितनारायण राजवंशी, भीम सार्की, सन्दीप लामिछाने, कुशल मल्ल र आरिफ शेख  रहेका छन्।नेपालका ओपनर कुशल भुर्तेलले ४३, आसिफ शेख ३१ तथा भीम शार्कीले १ रन बनाएर आउट भएका छन् । अहिले रोहित पौडेल र कुशल मल्ल क्रिजमा छन् ।

वर्षा रोकिएर खेल सुचारु हुने आशमा दर्शकहरु कुरिरहेका छन्।