कोइरी फरार अभियुक्त हुन् , बिरामी होइन :रवि लामिछाने

काठमाडौं, वैशाख १५  | प्रतिनिधिसभाको बैठकमा गृह मन्त्रालयको फरार अभियुक्तको सूचीमा रहेका सांसद लक्ष्मी महतो कोइरीको विषयलाई लिएर बैठक केहीबेर अवरुद्ध भएको छ ।सभामुख देवराज घिमिरेले सांसद कोइरी  बिरामी भएको  कारण संसद बैठकमा अनुपस्थित रहेको जानकारी गराएपछि सांसदहरुले आपत्ति जनाएका हुन् ।

त्यसपछि सभामुख घिमिरेले संसद बैठक आधा घण्टाका लागि स्थगित गरे । सभामुख घिमिरेले सांसद कोइरी  बिरामी भएको  कारण २१ वटा बैठकमा  अनुपस्थित रहेका सूचना जानकारी गराएका थिए ।

राष्ट्रिय स्वतन्त्र पार्टीका सभापति तथा सांसद रवि लामिछानेले कोइरी बिरामी नभइ फरार अभियुक्त भएको बताए । भारतमा प्रहरीले समातेको प्रमाण नै आफूसँग रहेको भन्दै उनले बिरामी भन्न नहुने बताए ।