नेपाल राष्ट्र बैंकको अनुरोध(सूचना सहित)

काठमाडौैँ , १३ बैशाख |नेपाल राष्ट्र बैंकले सूचना जारी निम्न विषयमा अनुरोध गरेको छ।

नेपालमा Virtual Currency/Cryptocurrency ले कानुनी मान्यता नपाएको, कानुनी ग्राह्य(Legal Tender) नभएको, नेपाल सरकारको जमानतप्राप्त नभएको, केन्द्रीय बैंकले निष्कासन नगरेको तथा कुनै सुरक्षण नभएको हुँदा यो गैरकानुनी हो ।

Virtual Currency/Cryptocurrency (Stablecoins समेत) Network Marketing तथा Hyper Fund  मा सम्पत्ति शुद्धीकरण तथा आतङ्ककारी क्रियाकलापमा लगानी, ठगी तथा कर छली, पुँजी पलायन, मूल्यमा अस्थिरता, सट्टेबाजी आदि जोखिमहरू अन्तरनिहित हुन्छन् ।

स्वदेशी पुँजी पलायन हुने, विदेशी मुद्रा अपचलन हुने, अर्थव्यवस्थालाई हानी पुर्याउने यस कारोबारमा स्वदेश तथा विदेशमा बस्ने नेपालीहरु संलग्न हुनु हुँदैन ।

नियमन/निगरानी नरहेको यस गैरकानुनी वित्तीय कारोेबार नगरौं । ठगीबाट बचौं