नेपाल र युएई बीचको खेल हेर्न प्रधानमन्त्री दाहाल त्रिवि मैदानमा

काठमाडौं, चैत २ । प्रधानमन्त्री पुष्पकमल दाहाल प्रचण्ड नेपाल र संयुक्त अरव इमिरेट्स (युएई) बीचको खेल हेर्न त्रिवि मैदान कीर्तिपुर पुगेका छन् ।उनका प्रमुख स्वकीय सचिव रमेश मल्लका अनुसार प्रधानमन्त्री केही समय खेल हेरेर फकिने छन् ।

विश्वकप लिग २ अन्तरगतको अन्तिम खेलमा नेपाली टिमको हौसला बढाउन प्रधानमन्त्री मैदानमै उपस्थित भएका हुन् ।

आइसिसी विश्वकप लिग–२ त्रिकोणात्मक एकदिवसीय श्रृखला  अन्तर्गत अन्तिम खेलमा  नेपाल र यूएईबीच खेल भईरहेको छ ।

त्रिवि मैदान कीर्तिपुरमा टस हारेको नेपालले पहिले बलिङ गरेको हो । युएईका कप्तान मोहम्मद वासिमले टस जितेर पहिला ब्याटिङ रोजेपछि युएई ब्याटिङ गरिरहेको छ ।