यो कार्यकालमा भाषण कम धेरै राम्रो काम गरेर देखाउँछु:प्रधानमन्त्री

काठमाडौं, २९ पुस । प्रधानमन्त्री पुष्पकमल दाहाल ‘प्रचण्ड’ले आफ्नो कार्यकाललाई ठूलो परीक्षाको रुपमा लिएको बताएका छन् ।शुक्रबार ललितपुरमा आयोजित नेपाल हस्तकला महासंघको ४२ औं वार्षिक साधारण सभालाई सम्वोधन गर्दै प्रधानमन्त्रीले उक्त कुरा बताएका हुन् ।

‘‘निर्वाचनले हामीलाई मिलेर जाने जनमत दिएको छ। कसैलाई पनि अहंकार गर्ने अभिमत जनताले दिएका छैनन्। हामी इमान्दार भएर जनताको पक्षमा राम्रो काम गरेनौँ भने यो परीक्षामा चुक्छौँ’’ उनले बताए ।

आफ्नो कार्यकाललाई यो पटक ठूलो परिक्षाको रुपमा लिएको र यो कार्यकालमा  म भाषण कम गर्छु धेरै राम्रो काम गरेर देखाउँछु  उनले भने । उनले भने  , ’‘हस्तकला  क्षेत्रलाई राम्रोसँग विकास गर्न सकियो भने एकातिर व्यापार घाटा कम गर्न सकिन्छ । अर्कोतिर नेपाली मौलिकतालाई विश्वभरि प्रचार र बिस्तार गर्न सकिन्छ ।